Da Mullah Geu jak U Keude Lam Ujeuen Meuprot-prot

Sumber - Lets Read Quran - Talaqie online & offline every day for Ramadhan

Amerika Serikat  - Malam nyan ujeuen meuprot-prot bacut. Menyo tajak han bulhut teguh. Leuseutrep golom na lam gampong-gampong.

Malam nyan, lam cahaya beuleuen reudee ditop le awan. Lam ujeuen meuprot-prot bacut, Da Mullah geucok itangen geujak u keude geujak bloe ubat jamok.

Watee nyan, ubat jamok merek jih cap ikan mas. Jioh gampong Da Mullah ngen keude na sikilo leubeh kureueng.

Kareuna malam nyan agak leupie, kareuna ujeun meuprot-prot bacut, ureueng beu-o jih diteubit. Sehingga sipanyang jalan seungue hana ureueng lewat.

Lheu gubloe ubat jamok cap ikan mas, Da Mullah langsong geu woe u rumoh. Na siteungeh rot geuweng itangen, hana meukon itangen nyang teungeh geuweng le Da Mullah , maken trep maken geuhon.

Lampu itangen puh han item got hu, karena ulee jeunamu lampu itangen han got item puta bak bhan itangen, glue keuneng ujeuen.

Karena itangen maken geuweng maken geuhon, Da Mullah geungieng le ulikot. Tapi hana sapue na. Bah pih meunan, Da Mullah ka ie beudoh bulee kok geuh.

Pue lom teungeh geuweng itangen sang-sang lagee na ureueng cukeh ie likot geuh.

Bulee kok Da Mullah maken dibeudoh. Saat nyan siera geuweng itangen Da Mullah Geubaca treuk ayat kurusy. Di Apa Raban nyang ka bunoe geulet Da Mullah ngen itangen di lekot, ngat na ngen geuh bak jalan sama-sama Geu woe u rumoh. sebab saboh rumoh tinggai dua geuh.

Paih keuneuk toe geuhoi Da Mullah le Apa Raban. "Da Mullah , Da Mullah , neudong ilee, pakon ka neu baca ayat kurusy siera neuweng itangen?".

Geudeunge na ureueng hoi di likot, Da Mullah maken teuga geuweng itangen. Lam ate Da Mullah , oma hantu nyoe bit hana yo jih keu Ayat kurusy.

Geuhoi lom le Apa Raban, hai Da Mullah neudong ilee, nyoe long Apa Raban. lako teuh di gata , Pakon neu baca ayat kurusy, pue na kejadian?

Geudeungo lom na su nyang hoi di likot, maken teuga lom geuweng itangen le Da Mullah . Paih trok bak ulee gampong, na bui meuaneuk teungeh dikoh jalan. Geureudhum geupupok bui nyan le Da Mullah ngen itangen.

Rubah Da Mullah meu punyo lam parek. Bui nyan pih beureutoh diplueng. Na siat trok Apa Raban. "Nyan neu-eue kon karubah droe neuh Da Mullah , padahai kaleueh kuhoi bunoe, kuyue dong ile, tapi meutamah teuga neuweng itangen", kheun Apa Raban.

Kebetulan Apa Raban malam nyan geusok bajee puteh. Geubeudoh Da Mullah lam parek geudong keue u barat, geu baca ayat kurusy lom ube item. Geupike le Da Mullah , Apa Raban nyang gesok bajee puteh malam nyan bit-bit hantu nyang hana yo jih Ayat kurusy.

"Hai Da Mullah , nyoe long Apa Raban, pakon neu baca ayat kurusy kabunoe ka?", kheun Apa raban seura geumat bak baho Da Mullah .

Da Mullah nyang teungeh metamah yo geuh, geupike le Da Mullah gop nyan ka ineuk ceukak le hantu. Geuhoi bantu le Da Mullah ube item.

"Bantuu, bantuuu, na hantu ka icuekak long", dumpet Da Mullah lam malam nyan, rap abeh diteubiet ureueng gampong.

"Boh pue hantu ilee idroe neuh Da Mullah , nyoe long Apa Raban nah".

"Got that tap'up syok igata hai Apa si raban . Pakon han tapeugah dari bunoe. Ilong iek-iek kuh rap iteubiet lam luweue. Boh jak tawoe", kheun Da Mullah ( ***)

Sumber : Nab Bahani As - Dengan beberapa perubahan