MIDEUEN ACEH.EU.ORG , AMERIKA —Jalan jak u yub tutu nyo cukop manantang geutanyoe perseh lage ta jak u takengon. Beda sagai jalan rayek walau dua arah. Di miyub tutu nyo na pelabuhan kapai laye pribadi maseng bermaseng ureng untuk jak meen u laot atau jak keumawe. Di likot nibak nyan di yub na taman tempat meu neu en ureng wate neuk jak kalon kota new york dari arah new jersey .
Tutu nyo na keuh salah saboh peung hubung pulau manhattan yang disinan na kota new york ngen new jersey . Selain Holand tunnel dan washington tunnel. Karena jalan tameng keu new york na ret laot, darat dan udara dari daratan amerika laen.
Uro nyo kamoe meu kesempatan jak meuramin keunan u yub tutu nyan . Di sinan na tempat duk saboh kelurga dan fasilitas MCK lengkap serta lapangan olah raga dan tanoh lapang bineh gunong untuk saboh2 kaplen yang jet duk saboh keluarga atau saboh rombongan yang hana di ganggu lee rombangan laen.
Disinan jet untuk ta tagun siekameng, dan jet untuk ta sembahyang jamaah. Kamoe uro nyo meurempek jamaah zahur dan asar krena lheh asar kamoe ka meu jak woe u rumoh maseng bermasing. Sedangkan masyarakat non muslem di tempat nyan hana meganggu tanyo peu but ibadat . Bahkan di hormati dan di jaga bek na yang ganggu dari ureng laen.
Meunan keuh wisata di new jersey amerika . Bagi tanyo muslem jet keu wosata islami asai tanyo kuat iman dan teguh ibadat di pat manteng jet ta tunikan wajeb hana gangguan walau dalam lingkungan kafe' karena status kafe" disino kafee zimmi yang saleng mendukung dalam menjalankan sistem pemerintahan demi aman nanggroe bak tempat geutanyoe tinggai (***)
Post a Comment