 |
| Teuku Ampoen ngen Tenggku APA |
Nangroë Acèh nyoe nanggroë meutuah
Tanöh keuneubah indatoe mulya
Nanggroë meusyehu dilèë that meugah
Masa peurintah raja diraja
Acèh utara bacut lon surah
Hasé meulimpah yg kaya raya
Dum PT2 hayeu sileumpah
Geudong that gagah han ek soë kira
Taeu di jalan pih meuleumpah ceudah
Leungkap fasilitah yg tan diluwa
Dipeugoet jalan leungkap ngon kulah
Teumpat seumeurah manoe meu upa
Harapan rakyat kalheuh meukeubah
Bak ujông lidah para pendusta
Watei bak janji madu meuruwah
Watei ka bicah rupajih tuba
Reudoek dilanget sang ujeun beukah
Kilat that mierah kemeutet dônya
Watei ka sinja ujeun tan leumah
Mandum meuubah kalaen cara
Sayang that sayang rakyat lam susah
Lam apoeh apah soë hirau hana
Hajat lam haté hana pat peugah
Cuma bak Allah talakei doa
Allahu Allah yg maha meugah
Neubie beuteuhah haté peunguasa
Rakyat di nanggroë neubie bèk susah
Beuna soë papah kawôm duafa
Saleuem ( *)
Post a Comment